Miðvikudagurinn nálgast óðum þegar hún HAlla mín mun lenda á norskri grund með Emmu mína og Edh bróður hennar. Ég veit eiginlega ekki hvað ég á af mér að gera, ég er svo spennt að fá hana Emmu mína í hendurnar. Mamma fékk hana lánaða á föstudaginn og hringdi í mig á Skype svo ég gæti fengið að sjá litlu músina mína. Halla og Sigga kíktu svo í heimsókn til mömmu og það var rosa gaman að heyra í þeim líka.
Annars hafa undanfarnir dagar verið nokkuð viðburðarríkir. Meðal annars fór ég til Camillu með Fróða að hitta Fríðu og það gekk mjög vel framanaf. Svo ákvað Fróði að hann ætlaði að vera hræddur við Fríðu og vildi ekkert með hana hafa. Fríða svaraði samt fullum hálsi ef Fróði var að ybba sig, en þeim tókst ekki alveg að vinna úr þessu svo vonandi gefst tækifæri á því fljótlega.
Fjölskyldan
Fríða sæta
Sjáið hvað Fróði er ósáttur með þetta! Þekki þennan svip sko alveg alltof vel!!! Fleiri myndir hér.
Á föstudagskvöldinu var svo annar hittingu bænahópsins, sem var bara æðislegt. Ég er rosalega ánægð að við skulum hafa hrint þessu í gang loksins.
Í gær kíkti ég á hundasýningu í Exðorama, Hellerudsletta, þar sem Hundelivsmessen er haldin. Það var mjög áhugavert og ég smellti af nokkrum myndum. Um kvöldið fór ég svo á Korsvei kvöld og hitti Henriette sem ég heimsótti rétt fyrir jól og það var mjög kósí.
Það verður svo nóg að gera núna þar til Halla og hvolparnir koma. Ég þarf að taka til og þrífa hérna heima, er svo að vinna á mánudag eftir skóla og mögulega á þriðjudag líka. Það þýðir vonandi að tíminn verði fljótur að líða, því ég er að farast úr spenningi. Búin að gera allt tilbúið fyrir litlu skvísuna, búin að fá handa henni búr og bæli og beisli, allt bleikt auðvitað. Maður verður nú aðeins að fá að tapa sér í bleiku deildinni þegar maður loksins getur :þ
Að lokum ætla ég að deila með ykkur mynd sem ég tók af lásnum útidyrahurðinni, INNANVERÐRI þegar frostið hérna var komið niður fyrir 20 gráðurnar.
Farið vel með ykkur, get ekki beðið eftir að koma með myndaspam af Emmu þegar hún kemur :D:D:D